كيف أكون شخص سعيد مستمتع بالحياة ؟
السعادة لها اربع عناصر :
نفسيه - كيميائية - روحيه -ماديه
اولاً : لازم تعرف حط هالشي ببالك السعادة ( قرار ) و ( ممارسة ) مستمرة💗
يعني تخلى عن مبدأ انا تعيس وفلان سعيد ❌
بالعمق احنا نسوي كل شي مقتنعين فيه ومنسجمين معاة
👌🏻
الانسجام هي
حالة ترابط بين الفكر والمشاعر والحواس والتركيز فتنعكس على الواقع
وممكن تتامل بحياة اشخاص تستشعر انهم سعيدين بتلقاهم يتشاركون بتفاصيل مثل :
اهم صفاتهم 💓
-حسن الظن بالله
-قنوعين
-لهم دور فعال سواء في الحياه او وظيفتهم او بيئتهم المهم نافعين
-يتغيرون للافضل دايماً
-مرنين بالحياه وماينكسرون من المشاكل
-حركيين
هذا بشكل عام 🤍
ولكن بنتعمق بالتفاصيل اكثر 🤩
( الكيميائيه ) :
اول شي ( علميا ) فيه ٤ هرمونات سعادة :
سيروتونين ( من الشمس ) او الشعور بالسكينه او الرضا عن الذات والنجاح وعندنا بالاسلام القشعريره اللي تجي من قراءة القرآن او الخشوع تفرز هذا الهرمون ( على مدى طويل يشتغل ) 🌟
اقرا قرآن ، اطلع للشمس ، انجز ، خلال فتره من يومك بتحس بهذا الشعور🕊
اوكسيتوسن ( من المشاعر والترابط بالعلاقات ) وهذا سبب شعور السعاده لما نحب 💗 ولكن هذا الترابط مع اي كائن حي ، مثلا التعبير عن المشاعر ، الحضن ، الحيوانات الاليفه ..وهكذا
احضن احد من اهلك ، او عبر لهم ، او ساعد حيوان ، او اضحك بعمق مع صديقك 🌟
اندروفين : يُفرز لما نحرك اجسامنا ونسوي مجهود ، عشان كذا مشاعرنا بعد الرياضه وطاقتنا فل 🔥
السلوك ؟اي نشاط بيومك : رياضه ، مشي ، سباحة ، رقص 💗 راح يفرغ طاقتك بالمكان الصح
دوبامين : مكافأه ، شعور المتعه لما تاكل او تستمتع بمشروب ( مؤقت ) وهذا مربط الفرس
استمتع بنعم الله و حاول تخلي الاكل حقك لذيذ ومفيد انت تربط عصفورين بحجر ❤️ مثل قهوه ومكسرات 🕊 او تمر وقهوه عربيه ، المهم شي لذيذ يمتعك وصحي وبدون افراط ، ضروري هرمون الدوبامين يصير " متزن " كثرته تخليك معتمد على المتع ٢٤ ساعه وهذا يخالف الانجاز والحركه 🕊
( كثرة الدوبامين ) المتع : تعيق ( السروتونين ) السعاده
لانه الدوبامين = ادمان ماتقدر تكتفي منه ابداً فحاول تسيطر عليه وتوقف اذا حسيت الموضوع وصل لادمان .
قيس عليها اشياء كثير كل شي تدمنه بعد فتره بتكتئب ❌
الطبيعي نستمتع بنعم الله بأتزان
كلها رسائل مبطنه للعقل = انا مو سعيد اعطوني شي مؤقت يخليني اهرب من هذا الشعور 💗
تعالو نشوف
السعادة علمياً بشكل كيميائي كيف نرفعها من الغذاء :
مصادر ندخلها من الاكل ترفع عندنا هذا الشعور 🔥
اولاً مغنيسيوم : معدن مهدئ للاعصاب :
مصادره
شوفان / شوكولاته دارك / مكسرات / افوكادو
ثانياً :حمض اميني ( التربتوفان ):
اللحوم بأنواعها ، بيض ، شوفان ، تمر ، موز
ثالثاً :حمض ل ثيانين : L Theanine :
ماتشا / شاهي اخضر
خامساً: فيتامين دال : الاهم 👌🏻
شمس / دهون صحيه خصوصا " الزبده" / اسماك / بيض
سادساً: عائلة فيتامين ب :
الخميرة الغذائيه تجمع كل فيتامينات ب ماعدا ب١٢
ب١٢ مصادره حيوانيه " لحوم " 🕊
سابعاً : بكتيريا نافعه :
ناخذها من
المخللات المخمره او خل التفاح / امعائنا لها تاثير مباشر بنفسياتنا 👌🏻
لو لاحظتو ان الاكل اللي يرفع مشاعر وطاقة الانسان
" طبيعي " يعني الشعور واللذه اللي
نحس فيها من الاكل الغلط هي فقط متعه مؤقته ❌ هذا غير المردود على الصحه وتانيب الضمير 🟡
لان الدوبامين ارتفع بشكل هائل مثل اي مخدر ومافيه عوائد وتحتاج جرعات اكثر
غير لو هذا الاكل له مردود ومعادن وفيتامينات تعكس على صحتك النفسية بشكل عام على مدار يومك 🤍
الجهاز العصبي اللاودي :
عندنا جزئين من الجهاز العصبي ( سمبثاوي / بارا سمبثاوي )
ميزة الاثنين واحد مسؤول عن الدفاع وحماية النفس والخوف ( عشان يحميك من المخاطر ) وواحد مسؤول عن الراحة والهدوء والاسترخاء ، المشكله ان احنا بهالزمان طول الوقت متوترين بمشاعرنا وافكارنا فجسمنا عايش طول الوقت حالة الخطر 🔴
تهدئة الاعصاب يكون بممارسات مثل :
/ الشاور البارد / النوم العميق / التنفس العميق / الشمس / الاطاله والتمدد / حالة الحب والسكينه والسلام / انشطه وهوايات تحبها / التجذر والطبيعه / الاعشاب / اوميقا ٣ / فيتامينات ب 🤍
النفسية :
مبادئ نفسية اساس شعور السعاده :
١_السر الاول للسعادة ( ركز ) على اللي تبيه ، وقف شكوى وتذمر مستمر وحلطمة فكر دايما هذا الشي اللي اتحطلم فيه ( كيف ) احله ؟
ودك تتحطلم ؟ قال تعالى ( انما اشكو بثي وحزني الى الله ) هذي الشكوى اللي تطلع منها وانت صدرك منشرح 💗 الشكوى المستمره تركيز على اللي ماابيها وبالدين عندنا هذا = سخط واعتراض ، تقبل وحل مشاكلك بنفس ، هذا غير ان جلستك بتكون ثقيله مع الاشخاص 👌🏻
٢-السر الثاني للسعادة ( وقف ) عن دور الضحيه ✋🏻
خلاص الى متى شعور الضعف ؟ ترا كل الناس عندها مشاكل اتفهم شعور انه صعب بس حل مشاكلك بدل ماتنتظر احد يحلها لك وتسقط عليهم لوم واحكام
انا ماشفت شخص عايش دور الضحيه وانتقل بمراحل بحياته بالعكس حالته تسوء اكثر ، امثله على الضحيه :
كيف انبسط وهم ماعبروني ؟ ليش اهلي مايدعموني ؟ ليش مايحاولون يحسنون علاقتهم فيني ؟ كيف اترك فلان وانا متعلقه فيه ؟ ليش مايصرفون علي ؟ ستوب ❌ الاسئله اللي موجهه للناس ماتضيع الا عمرك وطاقتك وبالنهايه محد درا ✋🏻
٣-السر الثالث ( طور نفسك ) طور هواياتك ومهاراتك ، حتى لو ماعندك شي جرب ، وش بتخسر؟ الحياة تجارب
كل ماشفت نفسك تتطور مع الوقت كل مابتحس بسعاده ورضا عن الذات 💗 اذا كان عندك شي خاص فيك وتسويه لحالك وتنبسط معناته هذي السعاده مصدرها ( انت ) راح تقدر تعطي من المليان عندك 🌟 بس لو تنتظرها من الناس بتنتظر كثير
٤-اهتم بكل جزء من نفسك
من شعر راسك لين اقدامك لين الاشياء اللي تشوفها وتسمعها وبيئتك ومحيطك ونظافتك نومك وعقلك وثقافتك وروحك كل شي ! هالشعور بيغذي ثقتك بنفسك وراحتك النفسيه 💓 مستحيل شخص سعيد مهمل نفسه اصلا من علامات الاكتئاب الاهمال ، بتقولون لي مالي خلق ، مالك خلق عشان ماعنده " دافع " انك اولوية لنفسك ، ولاحظو كيف نهتم بادق تفاصيل اللي حولنا 👌🏻
٥-مافيه شخص سعيد منشغل بالناس ❌
وش قالو عني ؟ كيف رايهم فيني ؟ حشو فيني ؟ وش صار على فلانه ؟ وتقطيع وحش بالناس
خليني اقولك شي ! هذي التصرفات ماتصدر الا من شخص ( فاضي ) ماهو مركز على نفسه
السعاده يبي لها انسجام وتركيز عالي مع الذات 🤍
بتلاقون بعد فتره اللي ماله بالناس = يتطور ويتغير
واللي مركز معهم حياته كلها توتر وقلق وشؤم وامراض ، لان التركيز على حياه الناس غيره وحسد ولقافه
قال الرسول صلى الله عليه وسلم
( من حسن اسلام المرء تركه ما لايعنية ) 🤍
ولاتنسى الحوبه والدنيا كيف تدور 👌🏻
٧-لاتدمن شي ✋🏻❌
غلط غلط ياجماعه ، الادمان انشغال بشي واحد ( يقيدك ) لين تنسى حياتك وصحتك وسعادتك و اولوياتك 🔴
ادمان سوشال ميديا
ادمان اكل وتدخين
ادمان علاقات
ادمان مقاطع اباحية ، مستوعب كمية الضرر اللي تضره نفسك ؟ وتستغرب ليش تكتئب ؟
قال تعالى ( وما ظلمناهم ولكن كانوا أنفسهم يظلمون ﴾
انت اللي جبت الظلم والتعلق والذنوب والشياطين لنفسك .
ترا الشيطان كيده ضعيف ✋🏻
قال تعالى
( وماكان لي عليكم من سلطان دعوتكم فاستجبتم لي فلا تلوموني ولوموا أنفسكم )
يعني انا وسوست لكم وحسستكم ان هذي السعادة وانتم طعتوني 👌🏻
٨-امشِ صح تصير حياتك صح
لايغرك التصرفات الغلط وكيف يحاولون يغسلون دماغك انها ممتعه ( مهما كثروا ) الكثرة ماتعني انه صح ❌
انت شخص مستقيم ومالك بالعلاقات والخراب نهاية يومك تنام بضمير مرتاح احسن من اللي شهواته تحركه
الفرق بين الانسان والحيوان ادارة العقل والشهوات وضبط النفس ، خلك قوي نفسياً ومتزن وابي شعور الرضا عن نفسك يلازمك كل يوم
ترا اي احذ ماشي غلط مستحيل يكون مرتاح 👌🏻مهما حسسك انه كذا .
( السعادة الروحية ) :
لايمكن انت شخص سعيد ومهمل الصلاة ❌ القرآن ❌ علاقتك مع الله ❌ مستحيل هذا قانون بالقرآن قال تعالى ( ومن اعرض عن ذكري فان له معيشةً ضنكا ) انتهى .
احرص على قراءة لو ١٠ صفحات من القران بعد كل صلاة صفحتين ماتاخذ من وقتك كثير مقابل جلستنا بالساعات بدون هدف .
صل الصلوات بوقتها ، اقرأ اذكارك ، اقرا قرآن ، صلاة الوتر ، وضوء ، ماتستوعبون وش كثر القرب من الله غذاء الروح والسعادة والسكينة❤️
الامتنان :
اشكر الله سبحانه وتعالى على كل نعمه بحياتك
الامتنان علميا يحسس الانسان بشعور الرضا والقناعة
هذا غير انك بتشوف بعينك اي شي تشكر الله عليه يزيد 👌🏻
راحتك النفسية رزق ، اهلك ، زوجتك او زوجك عيالك صحتك بصرك جسمك نومك اكلك شربك تنفسك العلم الوظيفة المال الملابس السيارة كل شي ! غارقين بنعم الله والله 🤍
كل يوم اكتب ١٠ اشياء تحمد الله عليها 👌🏻
قال تعالى
(ولئن شكرتم لازيدنكم ) 🤍 انتهى
(السعادة المادية ) :
وهي بالمادة اللي تمتلكها
قال تعالى :
( المال والبنون زينة الحياه الدنيا )
كثير يكررون عبارات ان المال مو سعاده ❌
المال بحد ذاته وجوده يريح الانسان من عناء الفقر
السعادة المادية بالممتلكات الي تسعى لها ❤️
المال ، الوظيفة ، البيت ، السياره ..الخ
ف اسعى للماديات اللي ودك تكون
عندك بدون افراط او بذخ مهم تسعى انك تكون مرتاح على الاقل 🤍
(السعادة بالقيم )
الحرية ، الصحة ، العائلة ، العقل ..كلها اشياء لاتقدر بثمن 🤍 استشعرها كل يوم ❤️
(العقل الباطن )
عقل الانسان كل شي يكرره يتصرف بناءً عليه
فلو تكرر عبارات انك تعيس مكتئب طفشان حياتك سيئه
الا ماينعكس هذا الشي على الواقع لان الكلمه تنتج فكره والفكره تنتج = شعور 👌🏻
اهتم بلغة تخاطبك مع نفسك وانتقِ كلماتك
مثلا : انا انسان منجز ،انا انسان نشيط ،انا انسان سعيد
مو كذب على النفس ابدا❌
فيه مثل يقول ( fake it till you make it )
مثل الحدث لين يصير واقع
لانو حتى واقعك وشخصيتك تشكلت على برمجة و توكيدات من الطفولة
حلو تكرر العبارات بعقلك قبل النوم
عقلك الباطن يصدق لما يكون مع هالفكرة حدث واقعي
مثلا انا انسان منجز = انجز فعلا مره ومرتين وثلاثه وهنا يبدا الشخص يبترمج ❤️
وتأكد لو كنت انت سعيد راح تقدر تعطي من المليان عندك 🌟 بس لو تنتظرها من الناس راح تنتظر كثير 👌🏻 السعادة مصدرها ( انت ) لنفسك 🤍
تعليقات
إرسال تعليق